Thursday, March 22, 2007

Forbrukarspalta: Vi testar Vegard Ulvang-sokken




Når ein går gjennom klesskåpet sitt er det mangt som kan kome for ein dag, t.d. eit par ubrukte Vegard Ulvang-sokkar. Ein spør seg: Kor kjem dei frå? Kven har lagt dei der? Og då svaret ikkje kjem, tenkjer ein at dette kan jo kome verda til nytte. La oss teste sokkane.
Resultatet ser slik ut: Sokkane er relativt varme, det skal dei ha. Såleis kan dei ha sin funksjon om ein skal ut ei vinternatt, slik at ein kan fortelje at ein har vore ute ei vinternatt før. Men sokkane har også eit like klart minus: dei er for lange i tåa. Særleg den høgre. Slik at tåa på sokken blir liggjande i ein slags tull mot innsida av skoen. Slett ikkje så behageleg.
Alt i alt må det seiast at Vegard Ulvang enno er undervegs som sokkefabrikant, og at han førebels er (var) betre til å gå på ski enn til å lage sokkar.
(Er det forresten ikkje eit paradoks at skiløparar og andre idrettsmenn kastar seg inn i motebransjen? Det er då ikkje rekna som spesielt mandig?)

3 comments:

Anonymous said...

Kanskje det er du som har for stutte tær, særleg dei høgre?

Dr. H said...

På ingen måte. Har alltid fått ros for mine heilt uklanderlege tær.

Anonymous said...

Når det gjelder Spesial sokk, style 47103, må de være konstruert for føtter hvor anklene ikke måler mer enn 15-16 cm i omkrets. Jeg sitter her med to par i str. 43-45 - som nok havner i søpla. Jeg gremmes - men ingen i familien kan bruke sokker som er så trange i skaftet at all blodsirkulasjon stopper opp. Ingen flere Ulvang-sokker her i gården!!!